منتدى نغم
نغم بودكاست - بث تجريبي


العودة   منتدى نغم > القسم الأدبي > الزجل و الشعر المحكي

الزجل والشعر المحكي وطريقة كتابتهنعم ..عرب ..ونخجل - دي السكة طويلة بشكلالسيمفونية وحركاتها، بعض التفاصيل
ثورة الغضب في مصر - رواية ذاتية وتحليلربيع الشعوب العربية: متضامنون مع ثورات أهلناثورة البحرين .. ثورة الغضب المظلومة
استشهاد الإمبراطور 


علي إسم مصر
رد
 
أدوات الموضوع
  #21  
قديم 01-11-2008, 06:35 PM
جعفر حيدر
Junior Member
 
تاريخ الانضمام: Sep 2006
محل السكن: أوروبا
اقتباس:
أرسل أصلا بواسطة وصيف مشاهدة المشاركات
الله الله يا أستاذنا ..

وحشتني أوي .. أوي ..

الشكر كله موصول ودائم لأستاذنا وحبيبنا جعفر حيدر

قلبو بيوسع كل هالعالم
وروحو برسم الحب

لو كان فيه رحمن بالعالم
ما نصبو غيرو إله ورب


جعفر
رد باقتباس
  #22  
قديم 01-12-2008, 06:52 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
اقتباس:
أرسل أصلا بواسطة جعفر حيدر مشاهدة المشاركات
قلبو بيوسع كل هالعالم
وروحو برسم الحب

لو كان فيه رحمن بالعالم
ما نصبو غيرو إله ورب


جعفر



جعفر حيدر نورنا وشرف ها الدار

حامل للشعر بقلبه أسرار أسرار

ساكن هَوْن ومتربع جُوات القلب

وفدا عيونه بتعذب بلهيب النار


***


كيف بكون أنا الرب وهو موجود

اللي حبه بيغمرنا من غير حدود

جايي بلكي من كَرمه إقطُف عنقود

هو حبيبي ونصبته رب الأشعار






( مع الاعتذار للأخوين عباس ودباس )
رد باقتباس
  #23  
قديم 01-14-2008, 05:36 AM
matar
Senior Member
 
تاريخ الانضمام: Jul 2007
محل السكن: مصر
إوعى تصدقها الدنيا
غش فـ غش

إذا جاك الموت ياوليدي
موت على طول
اللي اتخطفوا فضلو أحباب
صاحيين في القلب
كأن ماحدش غاب
واللي ماتوا حته .. حته ونشفو
وهم حيين
حتى ( سلامو عليكو )
مش بتعدي من بره الاعتاب

أول مايجيك الموت … افتح
أول ما ينادي عليك .. إجلح
انت الكسبان…
إوعى تحسبها حساب
بلا واد .. بلا بت
ده زمن يوم مايصدق كداب
سيبها لهم بالحال والمال وانفد
إوعى تبص وراك
الورث تراب
وحيطان الأيام طين
وعيالك .. بيك مش بيك عايشين


فقدنا الحكمه مع جيل جدتي
لم نعد نردد كلماتهم التى تقطر صدق
نعتبرها كلام بلدي لا يصح ان يتردد في المجتمعات الراقيه
والنتيجه جيل ضائع بلا حكمه
بلا مثل عليا
حصلنا على مفردات لا معنى لها
(( احلقله - نفضله - كحرته - فقيرمله - طحن - رمى ودنه في حجري - ش... في ودنه)) وغيرها وغيرها من المفردات القميئه صارت لغه تحمل مدلولات سطحيه عفنه ومستمده من قاع المجتمع من ادنى الطبقات تسمعها لغة عامله بين طلبه الجامعات من سيكونوا عماد المجتمع في المستقبل القريب .. اطباء ومهندسين .. ياللأسف على ما آل اليه حالنا

نقب .. نقب يا وصيف واستخرج دررنا التى دفنها اعلامنا الغبي .. لولا ذلك العظيم الابنودي لذهبت كلمات آمنه مع كلمات جدتي .. وضاع الكل مثلما ضيعنا لغتنا من قبل واتى غيرنا ليعلمنا اياها لنستطيع ان نقرأ ما كتبه اجدادنا وما زلنا لا نستطيع القراءه .. اقرأ لنا الزمن يا وصيف واخرج لنا حكمته على لسان حكماء ماتوا ولم يتركوا حكماء ...

بكيت كثيرا يا صديقي وانا اقرأ كلمات الآبنودي ولم اسمعها بعد بكيت آمنه عمته وبكيت فيها جدتي التى كانت لا تقل عنها حكمه والتى تركتني عام 1977 فاحسست انه لم يعد احد في هذه الدنيا بعدها يمكنه ان يفهمني .. كانت حكيمة كآمنه .. رحمهما الله رحمة واسعه ..

اشكرك يا صديقي
رد باقتباس
  #24  
قديم 01-14-2008, 05:48 AM
جعفر حيدر
Junior Member
 
تاريخ الانضمام: Sep 2006
محل السكن: أوروبا


يا مطر

يا مطر شتّي حكي
يا مطر قول وعيد

كلمات عم تشتكي
من كل ايد وإيد

وكلمات شو ملبكي
صاير خجلها يزيد

يا عين شتي بكي
ويا مطر قول وزيد

***

كل الحب والمحبة
لهذه الرقة المطرية

جعفر

رد باقتباس
  #25  
قديم 01-16-2008, 04:09 AM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
ما أجمل تلك الصحبة ..

أساتذتي الأحبة مطر وجعفر حيدر .. لقد أسعدتماني بما لا يقاس ..


صديقي الغالي مطر منهل الرقة : يامنة وعبد الرحمن وعبد الحليم حافظ وأم كلثوم ........ وكل مبدعي وحكماء مصر في غالبيتهم الساحقة من هذا " القاع " مع تحفظي علي التسمية .. وقيادة المجتمع والمستقبل بيدهم هم، أهل هذا القاع، ولن تستمع إلي تلك المفردات لو جلست إلي فلاح في أرضه أو عامل في مصنعه ..


محبتي كلها لسيد المطر



***



أحد أجمل أعمال الفاجومي ..


هما مين / أحمد فؤاد نجم


هما مين واحنا مين

هما الأمرا والسلاطين

هما المال والحكم معاهم

واحنا الفقرا المحرومين

حزر فزر شغل مخك

شوف مين فينا بيحكم مين


***


احنا مين وهما مين

احنا الفعلا البنايين

احنا السنة واحنا الفرض

احنا الناس

بالطول والعرض

من عافيتنا تقوم الارض

وعرقنا يخضر بساتين

حزر فزر شغل مخك

شوف مين فينا

بيخدم مين


***


هما مين واحنا مين

هما الأمرا والسلاطين

هما الفيلا والعربية

والنساوين المتنقية

حيوانات استهلاكية

شغلتهم حشو المصارين

حزر فزر شغل مخك

شوف مين فينا بياكل مين


***


احنا مين وهما مين

احنا قرنفل على ياسمين

احنا الحرب حطبها ونارها

واحنا الجيش اللى يحررها

واحنا الشهدا ف كل مدارها

منكسرين أو منتصرين

حزر فزر شغل مخك

شوف مين فينا بيقتل مين


***


هما مين واحنا مين

هما الأمرا والسلاطين

هما مناظر بالمزيكة

والزفة وشغل البولوتيكا

ودماغهم طبعاً استيكة

بس البركة فى النياشين

حزر فزر شغل مخك

شوف مين فينا بيخدع مين


***


هما مين واحنا مين

هما الأمرا والسلاطين

هما بيلبسوا آخر موضة

واحنا بنسكن سبعة ف اوضة

هما بياكلوا حمام وفراخ

واحنا الفول دوّخنا وداخ

هما بيمشوا بطيارات

واحنا نموت في الأوتوبيسات

هما حياتهم بمبي جميلة

هما فصيلة واحنا فصيلة

حادي يا بادي يا عبد الهادي

ياللي عليك أصل الغنوة دي

لمّا الشعب يقوم وينادي

يا احنا يا هما في الدنيا دي

حزر فزر شغل مخك

شوف مين فينا حيغلب مين !





بصوت الشيخ إمام عيسي
رد باقتباس
  #26  
قديم 01-16-2008, 05:25 AM
جعفر حيدر
Junior Member
 
تاريخ الانضمام: Sep 2006
محل السكن: أوروبا
يا وصيف الغالي
أنت عاوز تنشف دمنا يا خويا
طب على مهلك
حتة .. حتة

الشعر دا بيهوس

وحنحاول:

****

أحنا مين


هما مين وإحنا مين
نحن الشعرا المهزومين
احنا صحاب الكلمة الحلوة
احنا صحاب الكلمة المرة
أحنا الشعرا الملعونين
أحنا الأدبا المسحوقين
بس الكلمة .. بتبقى كلمة
مش حتصفي مدفع أبدا

لكن هما
الشرطة
الدرك
العسكر
هما الصولة
هما الجولة
هما السجن العالي حيطو عالمساجين

حزر فزر
شغل مخك
شوف مين فينا مخوف مين



****

مجرد محاولة ..
لا بد من رأيك يا وصيفنا الغالي

كل المحبة
جعفر
رد باقتباس
  #27  
قديم 01-16-2008, 06:02 AM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
الله أكبر ..

إيه الحلاوة دي .. إيه الروعة دي ..

أنا ف قمة السعادة الليلادي يا أستاذي ..

إحم إحم هقول شوية نقد :

- احنا مكسورة فالهمزة تحت لو اتكتبت .. وممكن تتكتب عشان في ناس بـ " تتكي " عليها وتظهرها والغالبية بتنطقها خفيفة فمش بتتكتب كأنها همزة وصل ..

- " نحن الشعرا المهزومين " تبقي احنا .. عندنا مفيش " نحن " مش عارف ليه

- " بس الكلمة .. بتبقى كلمة " برضك مش بنستعمل " تبقي " .. ممكن تكون " حتفضل كلمة "


أتمني لحضرتك كل السعادة أد ما أسعدتني الليلة ..

قبلة كبيرة علي رأس ويد أستاذي وحبيبي
رد باقتباس
  #28  
قديم 01-22-2008, 03:24 AM
matar
Senior Member
 
تاريخ الانضمام: Jul 2007
محل السكن: مصر
اعود بالذاكره الى ايام الحرب
ايام حرارة الانتماء
الفنانه شريفه فاضل ام البطل الشهيد
تقول في اغنيتها وصوتها يتردد الان في اذني

دولا مين ودولا مين
دولا عساكر مصريين
دولا مين ودولا مين دولا ولاد الفلاحين
دولا الورد الحر البلدي
يصحى يفتح تصحي يابلدي
دولا خلاصة مصر ياولدي

احسنت يا لورد النغم
يا فاجومي المهجر
احبك يا شاعر الاريحيه الحاضره
وانحني احتراما لك
ولن ارفع القبعه لأننا لا نعتمرها في مصر

تحيه لوصيف الغالي الذي يحرك طاقاتنا الكامنه
وشجوننا وذكرياتنا
موضوعك رائع يا حبيب قلبي يا ابو الاوصاف
رد باقتباس
  #29  
قديم 01-22-2008, 11:25 AM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
طالما مطر بخير .. فالدنيا بخير ..

محبتي للأستاذ حبيب القلب .. مطر
رد باقتباس
  #30  
قديم 01-22-2008, 01:56 PM
جعفر حيدر
Junior Member
 
تاريخ الانضمام: Sep 2006
محل السكن: أوروبا
اقتباس:
أرسل أصلا بواسطة وصيف مشاهدة المشاركات

طالما مطر بخير .. فالدنيا بخير ..
محبتي للأستاذ حبيب القلب .. مطر
أنا سأضيف متحديا عادل إمام

طالما مطر ووصيف بخير .. فالدنيا بخير ..
محبتي للأستاذين حبيبي القلب .. مطر ووصيف
كل المحبة
جعفر
رد باقتباس
رد

أدوات الموضوع

 

مواضيع مشابهه
الموضوع كاتب الموضوع المنتدى ردود آخر مشاركة
مقطوعات ناي نوا // حسين علي زادة عودة / ليا الموسيقى الشرقية 20 01-03-2008 03:50 PM
لماذا لا يؤمن المصريون بأن مصر بلدهم؟ محمد عبد المجيد سياسة 2 09-01-2007 01:06 PM
خديجة ...آه .... مصر ... لأ ...ياجمال نجم سهيل سياسة 2 05-04-2007 05:44 PM
مصر يا أم الدّنيا ... هو بيجرى فيكي ايه؟ Milad سياسة 4 03-07-2007 10:41 AM
تاريخ مصر jonis مقهى نغم 11 09-16-2006 09:20 PM


جميع تواقيت المنتدى بتوقيت جرينتش +4. الوقت الآن 07:58 PM.



Powered by vBulletin (Copyright ©2000 - 2014, Jelsoft Enterprises Ltd.)
SEO powered by Syrian Medical Society
جميع الرّؤى والأفكار المنشورة في نغم تُعبّر عن رُؤى كتّابها فحسب، ولا تعبّر بالضّرورة عن وجهة نظر منتدى نغم وإدارته.
علماً أنّ نغم وإدارته يؤمنان بحريّة الإعتقاد والتّعبير، ويعملان ما بوسعهما من أجل تكريسهما.
منتدى نغم محجوب في: السعودية
مواقع صديقة:
خالد ترمانيني - Muslim folks