منتدى نغم
نغم بودكاست - بث تجريبي


العودة   منتدى نغم > القسم الأدبي > الزجل و الشعر المحكي

الزجل والشعر المحكي وطريقة كتابتهنعم ..عرب ..ونخجل - دي السكة طويلة بشكلالسيمفونية وحركاتها، بعض التفاصيل
ثورة الغضب في مصر - رواية ذاتية وتحليلربيع الشعوب العربية: متضامنون مع ثورات أهلناثورة البحرين .. ثورة الغضب المظلومة
استشهاد الإمبراطور 


علي إسم مصر
رد
 
أدوات الموضوع
  #11  
قديم 12-31-2007, 05:10 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
جوليا


نجحت أخيرا في التحميل ..


البرنامج من إنتاج بيت العرب للتوثيق العصري والنظم، ويحوي كما كبيرا وجميلا من أعمال صلاح جاهين .. الشعر والزجل والرباعيات والرسوم والكاركاتير والصور والسيرة الذاتية ..


أعتذر لك علي التأخير وعلي كبر الحجم : 142.26 MB


الملف مضغوط ..

للوصول إلي الـ Data كلها هناك خطوات :


1- فك الضغط عن طريق برنامج winrar .. للتحميل من هنا ثم الضغط علي download now وبدء التحميل أو التشغيل مباشرة ..

بهذا تتمكنين من التعامل مع الملف الرئيسي بعد تحميله ..


2- تحميل الملف :


من هنا


أدخلي الرقم الثلاثي، ثم انتظري لـ 45 ثانية وبعد ذلك اضغطي free download ليبدأ التحميل .


3- بعد حصولك علي الملف المضغوط يفك ضغطه لتشغيله :


علي الملف كليك يمين ثم extract here



4- بعد فك الضغط ستحصلين علي folder عادي باسم " صلاح جاهين " .. افتحيه


5- افتحي index داخل الfolder


6- افتحي default وتعاملي مع المحتويات ومتأكد أنها ستعجبك ..



تحياتي شاعرتنا الجميلة
رد باقتباس
  #12  
قديم 01-01-2008, 03:05 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
فؤاد حداد .. يكفي أن تسمع هذا الاسم ليخفق قلبك ..

واحدة من أجمل القصائد العامية التي قرأتها .. تصوير بديع متكامل لأرق المشاعر مع الربط بأكبر القضايا بأسلوب نافذ محله القلب ..




الجيرة والعشرة / فؤاد حداد



فى كل حى ولد عترة و صبيّة حنان

و كلنا جيرة و عشرة و أهل و خلان

أميرة عاقلة فى الحجلة , العقل يطير

كانت صغيرة بضفيرة وكان هو صغير

ساعة ما تضحك مع أخوها تلاقيه بيغير

و لما ترفع قلّتهم تلاقيه عطشان



***


زمانه ماشى بخطوه يضم

زمانها كبرت و بقت أم

زمان جواب جاى لها بيجرى على العنوان



***

فى كل حى ولد عترة و صبيّة حنان

و كلنا جيرة و عشرة و أهل و خلان

الفجر بيلاقى المغرب و بييجى و يروح

و الليل يطل على الشارع شباك مفتوح

هنا الرصيف و هنا السلم و هناك يا سطوح

متعلقة كمام النونو فى ديل الفستان


***


زمانه ماشى بخطوة يضم

زمانها كبرت و بقت أم

زمان ضناهم في المدرسة كنز الأوطان



***


فى كل حى ولد عترة و صبيَة حنان

و كلنا جيرة و عشرة و أهل و خلان

نحضن ولادنا ولا نخلى حنية و ذوق

نكبر معاهم و نغنى لقدام و لفوق

يادى العيون اللى بتقرا فى كتاب الشوق

الدنيا خضرا و مش فاضل على بكرة زمان


***


زمانه ماشى بخطوة يضم

زمانها كبرت و بقت أم

أصل الحكاية حكايتنا ابن الإنسان






رد باقتباس
  #13  
قديم 01-02-2008, 03:32 AM
matar
Senior Member
 
تاريخ الانضمام: Jul 2007
محل السكن: مصر
في كل حي ولد عتره

فكرتني بايام زمان فقد سمعت هذه الاغنيه وانا شاب صغير ولكن ليس بصوت محمد منير فهو قد جددها وانما ممن غنوها اولا الثلاثي المرح والمجموعه وكان تبادل الغناء في مقاطع عذب جدا خصوصا زمانه ماشي بخطوه يضم .. زمانها كبرت وبقت ام .. كانت اغاني تشعل الوجدان ..

شكرا يا صديقي العزيز وصيف لابد انك تبذل جهدا جبارا للحصول على تلك الدرر
اهديك زهرة جميلة من ارض مصر التى نعشقها سويا
رد باقتباس
  #14  
قديم 01-02-2008, 07:20 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
تلك الزهرة تمتن لأنها خرجت من أرض أنبتت لنا سيد المطر ..


صديقي العزيز .. أشكرك من كل قلبي
رد باقتباس
  #15  
قديم 01-05-2008, 03:34 AM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
عمنا الكبير بيرم ..

تلك القصيدة تصلح تماماً علي لسان ياسين ابن السيد أحمد عبد الجواد في ثلاثية محفوظ !

وكلما قرأتها أتذكر الراحل عبد المنعم إبراهيم ..

أحبك يا أبيض !!

لا أستطيع التحكم في ضحكاتي كلما قرأت تلك القصيدة !





العيون / بيرم التونسي



من العيون يا سلام سلم
شوف و اتعلم


تحت البراقع تتكلم
و الدنيا نهار


عيون تقولك قصدك إيه
بتبحلق ليه


ما لكش شغل تِعِس عليه
يا راجل يا حمار !!


و عيون تقولك أنا عارفاك
و النبي ما انساك


من يوم ما شفتك م الشباك
يا جدع يا صْغَار


و عيون تقولك روح يا رزيل
يا بو دم تقيل


ياباي كبه في المخاليل
يا ما هما كتار


و عيون تقولك أنا حبيت
ياللا بنا البيت


و عيون تقول انشالله ما جيت
أنا رايحة الزار


و عيون تقولك بالمحسوس
أنا عايزة فلوس


و انشالله حتى تحوس و تدوس
أنا عاملاه كار

و عيون تقولك إمشي يا واد
أنا أم ولاد


و عيون تقولك عندي معاد
و يا السمسار


و عيون بسر الحب تبوح
كدا بالمفتوح


و تعرف القلب المجروح
ما عليهش ستار


و عيون تسبل فوق الخد
دي جد ف جد


و عمرها ما تكلم حد
عيون أحرار


و عيون تحقق فيها بشوق
تهرب على فوق


بتقولك ابعد عني بذوق
نظراتك نار


و عيون ما تعرف زعلانة
أو فرحانة


صباح مسا أهي سهتانة
صاحبة أفكار


و عيون لها ضحكة ف وشك
بس تغشك


و تبص من تحت اليشمك
تلقى المنقار


و عيون كدا يبقم ساهتين
صفر و باهتين


بالشكل دا عيون الخاينين
تضرب بصفار


و عيون تبص و تتسفلق
واقفه شلقلق


و عيون تبرق و تبحلق
عايزين مسمار


رد باقتباس
  #16  
قديم 01-05-2008, 11:40 AM
julya
Senior Member
 
تاريخ الانضمام: Apr 2007
محل السكن: سوريا
وصيف
ما أروعك .. وما أرقى ذوقك في الانتقاء
عمنا بيرم ..
يا لإحساسه وتحليله ..
وصف العيون .. كأني أراها في وجوه المارة
مبدع أنت وصيف ..
أشكر منتدى نغم الذي عرفني بنخبة الناس ونخبة الإحساس
محبتي وصيف
وألف شكر على تعبك معي للحصول على روائع صلاح جاهين
رد باقتباس
  #17  
قديم 01-05-2008, 02:12 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
الرائعة جوليا

يكفي فقط أن تمري بين حين وحين ..

وما أبدع أن تكتبي كلمة واحدة .. فكيف أصف سعادتي بعبارات تدل علي إعجابك بالموضوع ؟

سعيد بك أشد السعادة شاعرتنا المبدعة ..


( ولا تقولي هيك .. شو عِمِلِت أنا .. أنا ياللي لازم إِشكرك )


محبتي لشاعرتنا المتألقة جوليا
رد باقتباس
  #18  
قديم 01-10-2008, 01:27 AM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
لا تستطيع أية كلمات أن تصف شعوري عند " سماع " عبد الرحمن الأبنودي مع قراءة قصائده ..

وتلك أجمل قصائده .. بعدما تسمعها وتقرأها ستندم أنك لم تجلس مع " يامنة " قبل أن تموت .. ولكن لا تحزن كثيرا فروح يامنة هي حكمة مصر .. تستطيع أن تجدها في كل فلاح مصري ..





والله وشبت يا عبد الرحمن
عجزت يا واد ؟
موسرع ؟
ميتى وكيف ؟
عاد اللي يعجز في بلاده
غير اللي يعجز ضيف

هلكوك النسوان ؟!
شفتك مرة في التلافزيون
ومره وروني صورتك في الجورنان
قلت : كبر عبدالرحمن
أمّـال أنا على كدة
مت بقى لي ميت حول !

والله خايفة ياولدي القعدة لتطول
مات الشيخ محمود
وماتت فاطنة اب قنديل
واتباع كرم ( اب غبان )
وانا لسة حية
وباين حاحيا كمان .. وكمان
عشت كثير ..
عشت إلـ حد ما شفتك عجزت يا عبد الرحمن

وقالولي .. قال : خلفت
وانت عجوز خلفت ياخويا ؟!
وبنات كمان ؟
أمال كنت بتعمل ايه
طيلة العمر اللي فات؟
دلوقت مافقت؟
وجايبهم دلوك تعمل بيهم ايه ؟
على كلٍ ..
أهي ريحة من ريحتك ع الارض
يونسوا بعض…

ماشي ياعبدالرحمن !
أهو عشنا وطلنا منك بصة وشمة
دلوك بس ..
ما فكرت فـ ( يامنة ) وقلت ( ياعمة ) ؟
حبيبي انت يا عبد الرحمن
والله حبيبي .. وتتحب
على قد ما سارقاك الغربة
لكن ليك قلب
مش زي ولاد الكلب اللي نسيونا زمان !

حلوه مرتك .. وعويلاتك ؟
والا شبهنا ؟!
سميتهم ايه ؟
قالولي : ( أية .. ونور )
ماعرفت تجيب لك حتة واد ؟
والا اقولك:
يعني اللي جبناهم ..
نفعونا في الدنيا بإيه ؟
غيرش الإنسان مغرور !

ولسة يامنة حتعيش وحتلبس
لما جايب لي قطيفة وكستور ؟
كنت اديتهملي فلوس
أشتري للركبة دهان
أباي ما مجلع قوي يا عبدالرحمن !

طب ده أنا ليا ست سنين
مزروعة في ضهر الباب
لم طلوا عليا أحبة ولا أغراب
خليهم ..
ينفعوا ..
أعملهم أكفان

كرمش .. وشي !
فاكر يامنة .. وفاكر الوش ؟
إوعى تصدقها الدنيا
غش فـ غش

إذا جاك الموت ياوليدي
موت على طول
اللي اتخطفوا فضلو أحباب
صاحيين في القلب
كأن ماحدش غاب
واللي ماتوا حته .. حته ونشفو
وهم حيين
حتى ( سلامو عليكو )
مش بتعدي من بره الاعتاب

أول مايجيك الموت … افتح
أول ما ينادي عليك .. إجلح
انت الكسبان…
إوعى تحسبها حساب
بلا واد .. بلا بت
ده زمن يوم مايصدق كداب
سيبها لهم بالحال والمال وانفد
إوعى تبص وراك
الورث تراب
وحيطان الأيام طين
وعيالك .. بيك مش بيك عايشين

يوووووه يارمان
مشوار طولان..
واللي يطوله يوم عن يومه ياحبيبي
حمار !!

الدوا عاوزاه لوجيعة الركبة
مش لطوالة العمر
اوعى تصدق ألوانها صفر وحمر

مش كنت جميلة ياواد ؟
مش كنت .. وكنت
وجدعة
تخاف مني الرجال
لكن فين شفتوني
كنتو عيال

بناتي ( رضية ) ( ونجية ) ماتوا وراحوا
وأنا اللي قعدت
طيب يازمان !

إوعى تعيش يوم واحد بعد عيالك
إوعى يا عبد الرحمن

في الدنيا وجع وهموم أشكال والوان
الناس مابتعرفهاش
أوعرهم
لو حتعيش بعد عيالك ما تموت
ساعتها بس
حتعرف إيه هو الموت
أول مايجي لك نُط

لسه بتحكي لهم بحري
حكاية ( فاطنه وحراجي القط ) ؟
آباي .. ما كنت شقي وعفريت
من دون كل الولدات
كنت مخالف…
براوي
وكنت مخبي في عنيك السحراوي
تمللي حاجات
زي الحداية ..
تخوي ع الحاجة وتطير ..
من صغرك بضوافر واعرة
ومناقير
بس ما كنتش كداب
واديني استنيت في الدنيا
لما شعرك شاب

قدم البيت
اتهدت قبله بيوت وبيوت
وأصيل هوه
مستنيني لما أموت

حاتيجي العيد الجاي
واذا جيت ..
حاتجيني الجاي ؟
وحاتشرب مع يامنة الشاي ؟

حاجي ياعمة ..
وجيت …
لا لقيت يامنة ولا البيت


رد باقتباس
  #19  
قديم 01-11-2008, 01:46 PM
جعفر حيدر
Junior Member
 
تاريخ الانضمام: Sep 2006
محل السكن: أوروبا


يا وصيف
ويا عبد الرحمن
أنتو تنين
خلّيتو الدّمعة ف عيني تزلغط
بين الضّحكة
وبين البكوة
العين تتنطط

دمعة صارت
فوق مخدّة حزني العالي
ودمعة قبالي
وحلمي المشلوح
بلا عيون
جمّع ألوان الدني المحزونة
كلو .... كل الوان الدنيا كلها
كلها بلون

نايم
ناطر عبد الرحمن
يصحى
يقو لو
كيف الموت الجايي صوبو
وين دروبو
وكيف يوصل لو



هل يكفي الشكر لك يا وصيف الغالي
لا أدري يا صديقي


جعفر

رد باقتباس
  #20  
قديم 01-11-2008, 04:36 PM
الوصيف خالد
تغيير.. حرية.. عدالة اجتماعية
 
تاريخ الانضمام: Oct 2006
محل السكن: مصر الثورة والأبرار
الله الله يا أستاذنا ..

وحشتني أوي .. أوي ..

الشكر كله موصول ودائم لأستاذنا وحبيبنا جعفر حيدر
رد باقتباس
رد

أدوات الموضوع

 

مواضيع مشابهه
الموضوع كاتب الموضوع المنتدى ردود آخر مشاركة
مقطوعات ناي نوا // حسين علي زادة عودة / ليا الموسيقى الشرقية 20 01-03-2008 03:50 PM
لماذا لا يؤمن المصريون بأن مصر بلدهم؟ محمد عبد المجيد سياسة 2 09-01-2007 01:06 PM
خديجة ...آه .... مصر ... لأ ...ياجمال نجم سهيل سياسة 2 05-04-2007 05:44 PM
مصر يا أم الدّنيا ... هو بيجرى فيكي ايه؟ Milad سياسة 4 03-07-2007 10:41 AM
تاريخ مصر jonis مقهى نغم 11 09-16-2006 09:20 PM


جميع تواقيت المنتدى بتوقيت جرينتش +4. الوقت الآن 12:02 PM.



Powered by vBulletin (Copyright ©2000 - 2014, Jelsoft Enterprises Ltd.)
SEO powered by Syrian Medical Society
جميع الرّؤى والأفكار المنشورة في نغم تُعبّر عن رُؤى كتّابها فحسب، ولا تعبّر بالضّرورة عن وجهة نظر منتدى نغم وإدارته.
علماً أنّ نغم وإدارته يؤمنان بحريّة الإعتقاد والتّعبير، ويعملان ما بوسعهما من أجل تكريسهما.
منتدى نغم محجوب في: السعودية
مواقع صديقة:
خالد ترمانيني - Muslim folks